antifenu

Zaqatalada 7-8 fevral tarixlərində Yaddaş Maarifçi Gənclər İctimai Birliyinin dəstəyi ilə “Məsuliyyətli Vətandaş Jurnalisti ol”  layihəsinin davamı olaraq Zaqatala Tədris Mərkəzinin dəstəyi ilə Ülviyyə Ağayevanın rəhbərliyi altında Antifenu adlanan blog hazırlandı.

Blogun əsas məqsədi Zaqatala gəncliyinin müxtəlif səviyyələrdə inteqrasiyasını hədəfləyir. Burda həm regionda olan aktiv gənclərin əlaqələndirilməsi, həm də  onların prespektivdə daha yuxarı səviyyələrdə təmsil olunması nəzərdə tutulur.

Alt məqsədlərsə bunlardır:

Gəncliyin çox tərəfli maarifləndirilməsi və inkişafına təkan vermək;
regional şəbəkələşməyə dəstək olmaq;
mühüm hadisələrlə bağlı xəbərləri ışıqlandırmaq;
müxtəlif problemlər ətrafında interaktiv müzakirələr keçirmək;
Zaqatalada regional gəncliyi narahat edən məsələləri öyrənmək;
monitorinqlər, araşdırmalar aparmaq, analitik materiallar hazırlamaq;
beynəlxalq və yerli təşkilatların layihələrini işıqlandırmaqla reginal gəncliyin təşəbbüslərindən xəbərdar etmək;
Zaqatala gəncliyinin keyfiyyətcə inkşafına yardımçı olmaq.

Blogun adı Antifenu – təlim iştirakçılarının adlarının baş hərflərindən yaradılan, eyni zamanda anti fenu, yəni çəmənliyi qoruyaq, blogun logosundan göründüyü kimi təbiətə sevgini aşılamaq mənasında, təbiətin qorunması timsalında çəmənlikdən başlamaq,  başqa sözlə globallığa çatmaq üçün lokal düşünmək ideasını dəstəkləyir.